Fara í efni

Hlaðvörp

20. okt 2021

Peningar eftir Björn Berg

Björn Berg Gunnarsson mætir hér og fjallar um væntanlega bók sína Peningar í þessum síðasta þætti Leitarinnar að peningunum.
Bókin fjallar um peningalegar hliðar ýmissa hluta og fólks frá áhugaverðu sjónarhorni.
Bókin kemur út 29 október nk.

Auk þess kemur framleiðandi þáttana Kolbeinn Marteinsson og ræðir um framhaldið. 

 

 

 

Hlusta
12. okt 2021

Fyrst uppruninn svo peningarnir - Kolbrún Sara Larsen

Gestur þáttarins í dag er Kolbrún Sara Larsen. Kolbrún er einn stjórnenda hópsins FIRE á Íslandi, hjúkrunarfræðingur, annar stjórnenda hlapvarpsins Peningakastið og sjálflærður heimilisfjármálafræðingur.

Í þættinum ræðum við meðal annars

  • Hennar fyrstu kynni af FIRE-hreyfingunni
  • Leitina að upprunanum, sem Kolbrún á stóran þátt í að varð til
  • Leiðir Kolbrúnar að því að verða fjárhagslega sjálfstæð
  • Þær aðgerðir sem Kolbrún hefur gripið til til að draga úr útgjöldum og auka tekjur
  • Lífsgæðin sem eru meiri í fjárhagslegu sjálfstæði en dauðum hlutum
  • Ágæti þess að leigja út hluta af húsnæðinu sínu

Og margt fleira.

 

Hlusta
5. okt 2021

Samgöngur eru þriðji stærsti útgjaldaliðurinn - Þorsteinn Hermannsson

Þorsteinn Hermannsson er samgöngustjóri Reykjavíkur en er nú í tímabundnu starfi hjá Betri samgöngum. Samgöngur eru mjög stór þáttur og eru í dag þriðji stærsti útgjaldaliður heimilanna á eftir húsnæði og matarverði. Áætlað er kostnaður við bíll um 120 þúsund á mánuði. Betri samgöngur eru með stór áform um uppbyggingu almenningssamgangna með Borgarlínu, hjóla- og göngustíga auk uppbyggingar á vegakerfinu.

Því skoðum við hér hvort hægt verði að minnka kostnað við samgöngur sleppa bíl, hjóla eða ganga í þessu áhugaverða viðtali. 

 

 

Hlusta

Myndbönd

Skyndilán og smálán
Árleg hlutfallstala kostnaðar
Hvað er fjárhagslegt sjálfstæði ?

Fræðsla & greinar

23. sep 2021

Ársreikningar

Hérna má nálgast ársreikninga sem rætt var um í þættinum Að lesa ársreikninga.  

Ársreikningur KFC
Ársreikningur Kjúklingastaðarins Suðurveri 

13. júl 2021

Vikumatseðill Berglindar

Berglind Guðmundsdóttir frá matarvefnum Gulur rauður grænn og salt var til viðtals þar sem hún gaf góð ráð við matarinnkaup og skipulag. 
Hún gerði samt gott betur því hún deildi jafnframt með okkur vikumatseðli sem er að finna á vef hennar hér. 
Innkaupalista Berglindar má nálgast hér.  

 

14. júl 2021

Smáskref til fjárhagslegs sjálfstæðis (Baby Steps Dave Ramsey)

7 smáskref til fjárhagslegs sjálfstæðis

 

Trausti Sigurbjörnsson var í viðtali við hjá okkur í Leitinni að peningunum.
Hann tók saman eftirfarandi samantekt úr smáskrefum (Baby steps) Dave Ramsey. 

Þrep 1 - Sparaðu 100.000kr í banka sem neyðarsjóð til að hafa í byrjun.
Í fyrsta skrefinu er markmiðið að spara 100.000 kr. eins hratt og þú mögulega getur.
Þessi neyðarsjóður er eingöngu til notkunar fyrir óvænt smá útgjöld, sem þú einfaldlega getur ekki séð fyrir, það er víst nóg af þeim.

Við viljum ekki grafa okkur ofan í dýpri holu heldur en við erum í og þurfa að slá dýr neyslulán.

  • Samkvæmt könnum Seðlabanka Bandaríkjanna geta 40% Bandaríkjamanna ekki greitt óvænt útgjöld sem eru hærri en $ 400 (50 þúsundir króna) án þess að taka lán.

40% af 382 milljónum Bandaríkjamanna er 131 milljón manns sem eru í þessari þröngu stöðu. 

Þrep 2 – Borgaðu upp allar skuldir nema húsið.
Búðu til fjárhagsáætlun fyrir heimilið, borgaðu þvínæst niður allar skuldir nema húsnæðislánið með snjóbolta aðferðinni.
Í öðru þrepi borgum við niður allar skamm- og langtímaskuldir að húsnæðisláninu undanskyldu.
Það er t.d.: bílalán, námslán, kreditkort, lán frá ömmu, raðgreiðslur o.s.frv.

Snjóboltaaðferðin
Við skráum niður skuldir okkar á skjal og röðum þeim upp frá lægstu skuldinni til þeirrar hæstu.
Ástæðan fyrir því er EKKI fjárhagsleg, heldur mannlegs eðlis. Við tölum um lán en þetta getur líka verið yfirdráttur eða eitthvað allt annað sem við skuldum. 

  • Það er gríðarlega mikilvægt að sjá fyrsta lánið greitt upp til að við sjáum árangur fljótt.  Þess vegna skulum við byrja á að borga niður lægsta lánið.
  • Ef við greiðum aukalega inn á lánið t.d. 10 þúsund kr. á mánuði þá tökum við þá upphæð og afborganir sem er t.d. 12 þúsund kr.
    Með þessu móti greiðum við samtals 22 þúsund á mánuði inn á lánið.
  • Þegar lán 1 er uppgreitt þá tökum við 22 þúsund kr. sem aukainnborgun í næsta lán (lán nr. 2) og greiðum þá upphæð aukalega inn á það lán ásamt afborgunum.
  • Svona höldum við áfram og innborganir okkar hækka rétt eins og snjóbolti sem rúllar niður brekku. Og við erum fljótlega búin að greiða upp öll okkar lán.

Þrep 3 – Söfnum upp vara- eða neyðarsjóð sem ætti að nema 3-6 mánuðum af útgjöldum.
Nú þegar við höfum borgað allar okkar smærri skuldir er tími til að undirbúa okkur fyrir allt það óvænta sem sem lífið getur fært okkur. Neyðarsjóðurinn ætti að vera sem nemur 3-6 mánaða útgjöldum.  Þrír mánuðir ættu að nægja fyrir þá sem eru í stöðugri og öruggri vinnu (fasta stöðu í góðu fyrirtæki) og sex mánuðir ættu að nægja fyrir þá sem eru með sveiflukennda innkomu (t.d. verktakar eða sjálfstæðir atvinnurekendur). Með slíkum neyðarsjóði komum við í veg fyrir að við förum að safna upp skuldum þegar (ekki ef) óvæntu áföllin í lífinu koma upp. 

Auka þrep 3b - Sparaðu upp í innborgun í íbúð
Ef þú átt ekki íbúð (ert á leigumarkaði eða býrð í öðru húsnæði) þá kemur inn lítið aukaþrep sem kallað er 3b.  Rannsóknir hafa sýnt að það er næstum undantekningalaust hagstæðara að kaupa húsnæði en að leigja. Þess vegna skaltu byrja að spara allann þann pening sem þú ert aflögufær um, til að nota sem útborgun í íbúð.

Þrep 4 – Byrjaðu að fjárfesta og auktu svo fjárfestingar til framtíðar.
Ertu ekki með séreignarsparnað?  Byrjaðu strax í dag. Við erum nokkuð vel tryggð gegnum okkar lífeyrissjóðskerfi en með séreignarsparnaði getum við tryggt að við höfum það ennþá betra þegar við hættum að vinna. Aðrar fjárfestingar geta svo fylgt í kjölfarið eftir því sem vitneskja okkar og færni eykst. 

Þrep 5 - Sparaðu fyrir framtíð barnanna þinna.
Opnaðu söfnunarreikning fyrir börnin þín og ræðið um fjárhagsleg markmið þeirra með sparnaðinum. Er þetta fyrir íbúð eða nám. Gerið samning við börnin um að þið borgið inn og hvetjið þau jafnframt til að setja inn 50% af öllum peningum sem þau vinna sér inn eða fá í gjöf.  Með þessu móti gerið þið börnin ykkar meðvituð um góða meðferð peninga sem á að geta nýst þeim ævina á enda.

Þrep 6 - Borgaðu upp hússnæðislánið þitt snemma
Ímyndaðu þér líf án skulda og hvernig þú getur nýtt tekjurnar í að fjárfesta, ferðast og sinna áhugamálum þínum. Athugaðu að hægt er að nýta séreignarsparnað til greiða inn á húsnæðislán þín.

Þrep 7 - Safnaðu auðæfum og gefðu
Fjárhagslegt sjálfstæði felur í sér frelsi og það opnar mörg tækifæri. Fjárhagslega sjálfstætt fólk getur þess vegna gert nánast allt það sem það vill. Síðasta þrepið er þess vegna einfalt. Nú áttu að geta lifað lífi sem fæstir geta en allir vilja. Haltu áfram að byggja upp auðæfi en vertu rausnarlegur þar sem þig langar til. Það eykur hamingju að gefa af sér tíma og fjármuni til góðra málefna.
Skyldu eftir þig arð til fjölskyldu sannfærður um að þau muni kunna að fara með vel með þá fjármuni.

 

14. júl 2021

Að kaupa fasteign

Fjárfesting í íbúðarhúsnæði er yfirleitt stærsta fjárfestingin sem einstaklingar ráðast í. Það er því stór ákvörðun að kaupa fasteign og ferlið við fasteignakaup getur verið flókið. Þeir sem íhuga fasteignakaup ættu því að gefa sér góðan tíma í undirbúning og gera raunhæfa áætlun um hvað húsnæðið má kosta.