Fara í efni
9. des 2020

Hamingjuna finnur maður í fjárhagslegu frelsi - Georg Lúðvíksson

Fyrsti þáttur í 2. seríu af leitinni að peningunum

Georg Lúðvíksson er einn stofnanda hugbúnaðarfyrirtækisins Meninga sem var stofnað með það að markmið að geta aðstoðað fólk með lausnum sem tengjast fjármálum heimilisins í gegnum netbanka. Með því að breyta fjármálahegðun sinni getur fólk aukið lífsgæði sín mikið. Lausnin er ekki að halda skipulegt heimilisbókhald þar sem allt er fært inn að sögn Georgs heldur að nýta lausnir eins og Meniga sem hjálpa fólki að skipuleggja fjármál sín á einfaldan hátt.
Georg segir stjórn fjármálum eina mikilvægastu breytu sem getur haft áhrif á lífsgæði.

Hlusta
9. des 2020

#9 Björn Berg Gunnarsson

Björn Berg Gunnarsson starfar sem deildarstjóri greiningar og fræðslu hjá Íslandsbanka.
Hann hefur kynnt sér fjármál bíla í þaula . Hvað þýðir það ef maður kaupir sér bíl í kringum tvítugt, hverju fórnum við í staðinn? Það mun að öllum líkum seinka íbúðarkaupum og jafnvel hafa slæm áhrif á mögulegt nám. Peningur sem fer í rekstur og kaup á bíl er svo mikill að þú getur gert mjög mikið fyrir þá peninga. Það kostar nokkur hundruð þúsund á ári að reka bíl auk þess sem bílinn lækkar hratt í verði. 

Hlusta
9. des 2020

#8 Sambönd, kaupmálar og erfðaskrár - Jóhannes Árnason

Jóhannes Árnason lögmaður en hann rekur ásamt öðrum síðurnar, kaupmali.is og erfðaskra.is

Þegar við hefjum sambúð er mikilvæg að huga að því hvernig skal haga fjármálum. 

Þá er mikilvægt að báðir aðilar séu vel upplýstir og fylgist með því hvernig farið er með peningana. 

Í þessum þætti er farið yfir ýmsar hagnýtar upplýsingar og reglur sem gilda um sambúð, hjónaban, skilnað og erfðir. 

Hlusta
24. nóv 2020

#7 Vikumatseðill og viðbótarlífeyrissparnaður - Snædís Ögn Flosadóttir

Snædís Ögn sýslar með stórar upphæðir dags daglega en hún starfar sem framkvæmdastjóri þriggja eftirlaunasjóða.
Hún lærði snemma í uppeldinu að hver einasta króna skiptir máli en hún varð ólétt 17 ára gömull og stofnar þá heimili. Besta ráðið sem Snædís hefur fengið og hún hefur reynt að temja sér er að skilja á milli gerviþarfa og raunverulegra þarfa.
Hún hefur gert matseðil á sunnudagskvöldum fyrir fjölskylduna og segir þessa reglu að hafa skipulagt matarinnkaup og gert þau mun auðveldari þar sem ekki þarf að fara í oft í viku í að versla. Matarkostnaðurinn getur auðveldlega rokið upp á heimilinu ef þetta plan riðlast og farið er oftar að versla.
Hún segist leggja fyrir á hverjum mánuði og fylgjast vel með útgjöldum. Heimilisbókhald og skipulag skiptir alltaf máli og kannski mestu máli þegar maður er að byrja búskap.

Hún ræðir svo ítarlega um viðbótarlífeyrissparnað og mikilvægi þess að hugað sé að honum sem fyrst. 

Hlusta
10. nóv 2020

#6 Atvinnuleysi og atvinnuleit. Hvernig landar maður góðu starfi?

Í þessum þætti eru viðmælendur þau Jóhanna Hauksdóttir frá Vinnumálastofnun
og Sverrir Briem sérfræðingur í ráðningum hjá Hagvangi.

VIð munum ræða og skoða sérstaklega:
Hvað þýðir það fjárhagslega að missa vinnuna og hvað er það fyrsta sem maður á að gera ef slíkt hendir mann? Má maður vera í námi á sama tíma og maður fær atvinnuleysisbætur og hver er tekjutenging þeirra.
Ferilskráin skiptir öllu máli, hún er oft fyrsta snertingin við þann sem er að leita að starfskrafti. Einnig skiptir máli að vera með uppsetta Linkedin síðu.
Miklu máli skiptir að nýta tengslanet sitt og það viti að þú sért að leita þér að vinnu.
Þetta og margt fleira í þessu þætti. 

Hlusta
10. nóv 2020

# 5 Sigrún María Hákonardóttir

Sigrún María Hákonardóttir er menntaður viðskiptafræðingur, náms- og starfsráðgjafi sem rekur í dag í eigið fyrirtæki Fitby Sigrún.
Hún stofnaði fyrirtækið í kjölfar þess að hún fór að deila fríum æfingum á Instagram árið 2014 fyrir óléttar konur og nýbakaðar mæður. Hún segir nám sitt í viðskiptafræðinni hafa nýst mjög vel við reksturinn. 

Hún hefur brennandi áhuga heilsu og þjálfun og hefur sérhæft sig í meðgöngu og mömmuþjálfun í eigin líkamsræktarstöð. Hún segir það skipta miklu máli að vera sérhæfður þegar maður fer í rekstur á eigin fyrirtæki og segir það skipta miklu máli að vaxa hægt og örugglega. Stóra ástríða hennar er að aðstoða konur við að koma sér í form eftir meðgöngu.
Hún ólst upp í Bandaríkjunum og fékk hún góða menntun í fjármálalæsi þar, auk þess sem hún hefur tileinkað sér jákvætt hugarfar til peninga.


Heimasíða FitbySigrún
https://fitbysigrun.com/

Sigrún er með eigið hlaðvarp sem má finna hér:
https://spoti.fi/2HoYUxiAtvinnumál kvenna 

 

Hlusta
10. nóv 2020

#4 Ríki pabbi, fátæki pabbi - Kjartan Örn Sigurðsson

Kjartan Örn Sigurðsson kaupsýslumaður fjallar hér um bókina Ríki pabbi, fátæki pabbi (Rich Dad Poor Dad) sem kom út árið 1997 en sú bók hefur verið ein mest selda bók um fjármál einstaklinga síðan hún kom út.  Kjartan Örn segir bókina vera fyrir alla þá sem vilja skilja grundvallaratriði fjármála og hefur hann sjálfur gefið fjölmörgum þessa bók.

Kjartan segir bókina í grundvallaratriðum fjalla um hvernig efnað fólk vinnur ekki fyrir peningum heldur lætur peninga vinna fyrir sig.

Bókin kom út á íslensku árið 2001 undir heitinu Ríki pabbi fátæki pabbi og er hægt að nálgast hana á bókasöfnum. Bókina má einnig finna sem hljóð- eða rafbók mjög víða. 

Hlusta
10. nóv 2020

#3 Instagram og Extraloppan - Brynja Dan Gunnarsdóttir

Brynja útskrifaðist sem verkfræðingur árið 2011. Fyrsta verkefnið eftir útskrift var að markaðssetja íslenskt vodka og fór hún í markaðsbransann í framhaldi af því starfi.
Hún ræðir hér um stofnun Ekstraloppunar og þær áskoranir sem fylgt hafa opnun hennar.
Hvað skiptir mestu við reksturinn og hvaða mistök hefur hún gert í rekstri ? Við spyrjum einnig hvort Brynja gangi bara í notuðum fötum í dag?
Við ræðum  samfélagsmiðla og spyrjum hvaða tekjur er hægt að hafa af þeim og hvernig Brynja fór sjálf að því að ná árangri þar.

Brynja hefur alltaf reynt að fara varlega í fjármálum og alltaf átt varasjóð. Besta ráðið sem hún hefur fengið er að fjárfesta í steypu en það versta þegar henni var ráðlagt að fjárfesta arfi í hlutabréfasjóð rétt fyrir hrun.
Þetta og margt fleira í þessu skemmtilega viðtali. 

Hlusta
8. okt 2020

#2 Hvernig kaupir maður íbúð í dag

Páll Pálsson fasteignasali ræðir um hvernig maður ber sig að við kaup á fasteign. Hvar er hagstæðast að kaupa, hvað ber að varast og hvað þarf maður að eiga af peningum? Á hvað ætti maður að horfa þegar keypt er fyrsta íbúðin?

Hlusta
9. des 2020

#1 Þetta reddast er versta fjármálaráðið

Edda Hermannsdóttir markaðs- og samskiptastjóri Íslandsbanka fjallar um fjármál og hvernig hún tileinkaði sér reglur í fjármálum á unga aldri sem hafa reynst henni vel allar götur síðan. Hvernig nær maður árangri þegar kemur að sparnaði og margt fleira

Hlusta
15. des 2020

Gerðu fólk ástfangið af þér - Þórarinn Ævarsson

Þórarinn Ævarsson er bakari sem uppgötvaði þegar hann var farinn að vinna hjá Dominos að hann hafði nef fyrir viðskiptum. Á þeim tíma tileinkaði Þórarinn sér lífsspeki sína sem er að selja mikið með lágri framlegð.  Af þeim sökum hefur Þórarinn aldrei viljað tala um markhópa heldur vill hann eiga viðskipti við alla. Frá Dominos lá leið Þórarins til IKEA þar sem hann var í 15 ár. Sömu viðskiptalögmál áttu við þar og hjá Dominos að selja mörgum með lágri framlegð. Þórarinn hætti hjá IKEA og stofnaði Spaðann. Hann segir pizzuna hafa fylgt sér allar götur frá Dominos og verið í lykilhlutverki í lífi hans. Enda veki pizzann upp allt önnur hughrif en annar skyndibiti. Ameríska pizzan sé stærri og matarmeiri og því geti fleiri en einn deilt hverri pizzu ólíkt þeirri ítölsku. Pizzan getur endalaust endurnýjað sig. Þegar Þórarinn var að byrja voru sveppir vinsælir en sjáist varla í dag og í dag séu döðlur t.d komnar inn. Hann segist því eiga pizzunni mikið að þakka og hjá IKEA hafir pizzudeig verið söluhæsta varan.  

Hlusta
22. des 2020

Erum við gerð til að gera meira en að borga reikninga og deyja? - Guðrún (Gógó) Magnúsdóttir

Guðrún Magnúsdóttir er alltaf kölluð Gógó. og hefur verið hluti af FIRE( Financial, Freedom, Retire, Early) hreyfingunni lengi þar sem stefnt er að fjárhagslegu sjálfstæði.
Hún segist hafa reynt mikilvægi þessa þegar henni var sagt upp starfi nokkrum dögum eftir að hafa flutt með fjölskylduna í draumahúsið sumarið 2020. Hún fann þó ekki til ótta eða kvíða því hún vissi að hún átti sparnað sem myndi duga henni áfram.

Gógó fékk fjárhagslegt uppeldi og lærði snemma að fara vel með peninga.
Hún segist hafa á stundum gengið of langt í að spara og áttað sig á því að þetta er allt ferðalag sem hver og einn þarf að finna út sína leið.
Áhugavert viðtal við konu sem hefur byggt upp eignasafn og áttað sig á að ekki þarf alltaf að skipta út hlutum þó þeir séu komnir til ára sinna. 

Hlusta
5. jan 2021

Ef maður nær nógu mörgum litlum markmiðum þá nær maður á endanum stóra markmiðinu - Vilborg Arna Gissurardóttir

Vilborg Arna Gissurardóttir þarfnast ekki kynningar en þessi magnaða kona var fyrsta konan í heiminum til að afreka það að ganga ein á Suðurpólinn á skíðum og klífa 8000 metra tind ein.
Hún hefur sett sér skýr markmið í fjármálum sem og í leiðöngrum sínum og segir markmiðin eitt það mikilvægasta þegar kemur að árangri. 

Hlusta
5. jan 2021

Milljónamæringurinn í næsta húsi - Kolbeinn Marteinsson

Kolbeinn Marteinsson er einn eiganda almannatengsla- og kynningarfyrirtæksins Athygli. Hann er jafnframt einn stofnenda og eigenda Útilegukortsins og fleiri fyrirtækja í ferðaþjónustu.

Kolbeinn ræðir í þessum þætti um sín fjármál en hann er í dag mikill áhugamaður um fjármál. Þessi áhugi kviknaði samt í kjölfar mjög erfiðra aðstæðna. Á árunum eftir hrun urðu fjármál Kolbeins rústir einar eftir að fyrirtæki sem hann átti fór í gjaldþrot og skuldir hans jukust mjög mikið. Á sama tíma hrundu tekjur samhliða minni umsvifum í hagkerfinu eftir hrun. Í kjölfarið þurfti hann að horfast í augu við eigin fjárhagsvanda. Í kjölfarið fór hann að skipuleggja fjármál sín og fór að vinna sig úr skuldavandanum. Hægt og rólega fór hann að sjá til sólar. Samtímis fór hann að leggja fyrir sparnað og fá raunverulegan áhuga á fjármálum og má því segja að fjárhagserifðleikarnir hafi verið honum og fjölskyldu hans mikil gæfa. Í dag stefna Kolbeinn og kona hans að skuldleysi innan skamms og fjárhagslegu sjálfstæði.

Í síðari hluta þessa þáttar ræðir Kolbeinn um bókina ,,The Millionaire Next Door." Í þeirri bók sem kom út árið 1996 og var endurútgefin 2010 voru fjöldi milljónamæringa í Bandaríkjunum rannsakaðir með það að markmiði að skoða hvað í hegðun þeirra og færni varð til þess að þeir efnuðust. Þar kemur margt á óvart og margir hlutir þar sem við hér á Íslandi getum tileinkað okkur.  

Hlusta
12. jan 2021

Stelpur eiga ekki að tala um peninga - Stefanía Sigurdís Jóhönnudóttir

Stefanía útskrifaðist frá Menntaskólanum á Akureyri vorið 2019 og hefur síðan unnið mikið með það að markmiði að spara eins mikla peninga og mögulegt er.
Hún hefur náð nú þegar að safna sér dágóðri upphæð en hún hyggur á nám og vill eiga sparnað þegar þar að kemur. Stefanía segir að hún hafi sótt sér mikinn fróðleik um fjárfestingar og sparnað. Það sem hefur þó komið henni leiðinlega á óvart er að þegar hún fer að tala um þessa hluti þá fær hún oft neikvæð tilsvör frá fólki. Bæði finnst fólki óþægilegt að ræða slík mál og eins segist Stefanía upplifa að margir finnist skrýtið og óviðeigandi að nýútskrifuð stelpa úr menntaskóla sé að leita sér þekkingar og tala um fjárfestingar. Hennar upplifun sé að það sé talið eðlilegra að strákar tali um svona hluti frekar en stelpa. Sem feminsísta þyki henni það leiðinlegt og því mikilvægt að ræða um þessa hluti út frá sjónarhóli ungra kvenna.

Hún segir að allir geti lært um peninga og það sé eitt það mikilvægasta sem allir geta lært enda séu peningar frelsi. Með því að læra um peninga getum við sloppið við að láta þá stjórna lífi okkar. Hún segir að hún hafi fengið fræðslu um fjármál og hjá fjölskyldu sinni mamma hennar hafi verið einstæð móðir sem hafi rætt fjármálin við hana.
Því fyrr sem við byrjum að spara því betri stöðu sköpum við okkur enda er lífið þá allt framundan.
Hún hefur fjárfest í hlutabréfum og kynnt sér þau mjög vel og hún kaupir sér frekar notuð föt en enda er það mun betra fyrir umhverfið.
Móðir hennar var Au-pair í Vínarborg en varð að hætta vegna láns sem hún var með og því hafi hún lagt áherslu á að fara skuldlaus í gegnum háskóla og því dugi sparnaður Stefaníu fyrir náminu.  

Hlusta
19. jan 2021

Safnaði 17 milljónum á tveimur árum - Sævar Helgi Bragason

Sævar Helgi Bragason einnig þekktur sem Stjörnu Sævar er landsmönnum vel kunnur.
Hann gekk í gegnum skilnað nærri þrítugur og þurfti að taka stórar ákvarðanir og færa miklar fórnir. Hann flutti aftur í foreldrahús, vann frá morgni til kvölds með það að markmiði að þéna meira, hækka laun sín og spara fyrir íbúð.
Á tveimur árum sparaði Sævar sér 17 milljónir króna með því að minnka neyslu, leggja bílnum. Hann hjólaði í vinnu í Reykjavík frá Hafnarfirði og sparaði sér um leið líkamsræktarkort.
Sævar segist hafa farið í keppni við sjálfan sig þar sem hann minnkaði eyðslu frá mánuði til mánuðar. Á endanum komst hann af með að eyða 40.000 kr. sem hann segir hafa verið mjög erfitt og krafist mikilla fórna.

Eins hafi þetta allt krafist aga sem hann segist ekki hafa búið yfir en verkefnið og markmiðið hafi leitt til.
Stór hluti af viðhorfi Sævars til neyslu og eyðslu hverfist um stóru ástríðuna í lífi hans sem er jörðin og náttúran. Loftslagsváin er samtengd neyslu okkar og því er það skylda okkar allra að staldra við og skoða vel hvernig við getum dregið úr kolefnislosun okkar.
Þetta og margt fleira í þessu áhugaverða viðtali.  

Hlusta
19. feb 2021

Spurt og svarað um fjárfestingar - Már Wolfgang Mixa

Már Wolfgang Mixa starfar sem lektor við Háskólann í Reykjavík. Hann hefur langa starfsreynslu af fjárfestingum og stýringu fjármuna í íslensku bankakerfi og erlendis.
Már ræðir hér fjárfestingar og gefur góð ráð við ávöxtun peninga. Þetta viðtal er mjög yfirgripsmikið og nokkuð langt en við erum mjög ánægð með það þar sem það fer djúpt.

Það sem við ræðum hér er eftirfarandi:

  • Er hægt að tímasetja markaðinn varðandi kaup á hlutabréfum?
  • Þegar Már hóf sinn starfsferil í kringum aldamótin, var mikil netbóla á Íslandi auk þess sem Decode Genetics var heitasta fyrirtækið.
  • Hann ræðir um mikilvægi þess að halda stefnu og ekki elta umræðu í samfélaginu. Hún er oft þveröfug við það sem skynsamlegt er að gera.
  • Mikilvægast er að taka aldrei meiri áhættu en maður getur kyngt.Og maður skal aldrei verða ástfanginn af hlutabréfum.
  • Már sýnir dæmi um fjárfestingar á íslenskum hlutabréfamarkaði, hvað íslenskur fjárfestir sem hefði keypt í Marel, Össur, Actavis og bönkunum þremur árið 2001 hefði átt í október 2008, eftir að hrunið hafði átt sér stað.
  • Hann fjallar um séreignarsparnaðinn sem er í dag einn mikilvægasti sparnaður okkar allra. Hvort sem upp koma áföll eða við kaup á fyrstu íbúð eða við innborganir á íbúðalán. Skattleysi séreignarsparnaðar við kaup á íbúð eða við innborganir á lán gerir hann að mjög vænlegum kosti.
  • Már fjallar um fjárfestingar erlendis og gefur góð ráð þegar kemur að þeim.
  • Við ræðum um ólíkar áherslur við fjárfestingar eftir aldri.
  • Verðtryggð og óverðtryggð lán fá mikið vægi enda er fasteign fyrir flesta stærsta fjárfestingin á lífsleiðinni. Auk þess sem við veltum fyrir okkur hvernig fasteignaverð muni þróast.
  • Fjármálalæsi Íslendinga er svo að endingu til umræðu auk þess sem við spyrjum Má um bestu fjárfestingu hans og hans stærstu mistök.

Bloggsíða Más
https://www.mbl.is/vidskipti/pistlar/marmixa/

Umsjón: Gunnar Dofri Ólafsson

Hlusta
4. feb 2021

Verðmætasta eignin og Farsæl skref í fjármálum - Gunnar Baldvinsson

Gunnar Baldvinsson er framkvæmdastjóri Almenna lífeyrissjóðsins .

Hann hefur skrifað fjölmargar bækur um fjármál einstaklinga sem í dag eru nýttar til kennslu . Nýjasta bók hans Farsæl skref í fjármálum er nýkomin út og er til umræðu í þessum þætti.
Gunnar ræðir einnig lífeyrismál og af hverju í eftirlaunum okkar er oft að finna verðmætustu eign okkar

Hlusta
9. feb 2021

Sátt manneskja kaupir sér ekki neitt - Ragna Benedikta Garðarsdóttir

Ragna Benedikta Garðarsdóttir er með doktorsgráðu og starfar sem dósent við félagssálfræði við Háskóla Íslands.
Hún ræðir í þessu viðtali áhrif umhverfisns á hegðun okkar og þá oft neyslu.

  • Þeim óhamingjusamari sem þú ert því líklegri ertu til að falla fyrir markaðsbrellum og kaupa einhvern óþarfa.
  • Það er munur á ánægju sem fylgir nýjum hlut og hamingju. Ánægjan fer fljótt.
  • Við eigum frekar að kenna börnum markaðsbrellur og að lesa markaðsskilaboð en vexti verðbólgu o.þ.h. Þetta er stóra verkefnið í lífinu að standast stöðugt áreiti um að eyða peningum.
  • Við erum með tvö hugsanakerfi. Kerfi 1 sem er frumstætt og kerfi 2 sem hugsar hlutina til enda.
  • Kerfi 2 notar mikla orku og því reynir heilinn að styðjast við einfaldleika og vana.
  • Búðir eru hannaðar með þetta í huga að við notum kerfi 1 og kaupum þá meira en við þurfum.
  • Stöðukvíði snýst um að kaupa sér stöðu með neyslu.
  • Á árunum fyrir hrun var hegðun Íslendinga oft furðuleg og snérist mikið um peninga. Gildismat okkar var samt samkvæmt rannsóknum ekki þannig þenkjandi.

Þetta og margt fleira í þessu áhugaverða viðtali sem allir ættu að hlusta á.

Hlusta
16. feb 2021

Fékk nóg af fátæktargildrunni og stofnaði Fjármálatips - Sædís Anna Jónsdóttir

Sædís Anna Jónsdóttir er þriggja barna móðir sem hefur á nokkrum árum losnað úr fátæktargildru og fjárhagsáhyggjum. Hún er jafnframt stofnandi Facebookhópsins fjármálatips en í hópnum eru þegar þetta er ritað um 13.000 manns.
Í þessu viðtali ræðum við um:

  • Af hverju Fjármálatips hefur gengið svona vel
  • Hvað hún hafi lært frá hópnum
  • Hvað hún leggur áherslu á við uppeldi á sínum börnum
  • Hvað hún hefði sjálf viljað læra um peninga þegar hún ólst upp
  • Hvernig kreditkort, bílalán og yfirdráttur geta verið hættulegar afmælisgjafir við 18 ára afmælið frá bankanum
  • Hvernig henni tókst að snúa mjög erfiðri fjárhagsstöðu með vanskilum og neyslulánum í stöðuna í dag þar sem hún á íbúð og greiðir alla reikninga
  • Hvernig niðurgreiðslna skulda er orðið áhugamál hjá henni og manninum hennar
  • Hvernig hún lét dóttur sína sjá um matarinnkaup í heila viku og hún hætti að kvarta um að ekkert væri til í ísskápnum
  • Hvernig andleg heilsa líður fyrir fjárhagsvandræði
Hlusta
24. feb 2021

Staða og horfur á fasteignamarkaði, að leigja eða kaupa? - Ari Skúlason

Ari Skúlason hagfræðingur hjá Landsbankanum hefur skoðað íslenskan fasteignamarkað undafarin ár. Hann ræðir í þessu áhugaverða viðtali stöðu fasteignamarkaðar.

  • Borgar sig frekar að leigja en að kaupa?
  • Hvernig Covid hefur haft áhrif á fasteignamarkaðinn og starfsumhverfi.
  • Hvernig vaxtalækkanir Seðlabankans hafa gjörbreytt fasteignamarkaði.

Þetta og margt fleira er rætt í þaula í þessu áhugaverða viðtali.

Hlusta
2. mar 2021

Allt sem þú vildir vita um skatta og fjárlög - Svanhildur Hólm Valsdóttir

Svanhildur Hólm Valsdóttir starfar í dag sem framkvæmdastjóri Viðskiptaráðs. Hún starfaði í fjölda ára sem aðstoðarmaður fjármála- og forsætisráðherra. Einnig starfaði hún lengi í fjölmiðlum.
Hún ræðir hér um skatta, ríkisfjármál og af hverju við eigum að þekkja til þessara málaflokka og láta þá okkur varða. Auk þess ræðum við fjölmargt fleira:

  • Uppeldi hennar út á landi og ólík starfsreynslu.
  • Hvernig hún sjálf talar um peninga við sín börn?
  • Hvað gera aðstoðarmenn ráðherra?
  • Hvað eru fjárlög hvernig skiptast útgjöld ríksisins?
  • Ólíka skatta ríksisins og sveitarfélaga.
  • Af hverju maður eigi að skoða álagningarseðilinn sinn á hverju vori.
  • Hvernig venjulegt fólk fer að því að setja þessar háu tölur, oft marga milljarða í samhengi og skilja umfang þeirra.
  • Hvernig vaxtagjöld ríkisins hafa farið lækkandi og hvað það þýðir?
  • Hvað Covid 19 kreppan kostar ríkissjóð á hverjum degi?
  • Hvar er hægt að hagræða í rekstri ríkisins?
  • Hvað Svanhildur myndi gera ef hún væri alráð í fjármálaráðuneytinu í einn dag?
  • Hvort skattar séu of háir á Íslandi?

Svanhildur býr að mikilli reynslu og þekkingu á rekstri ríkisins og fer hér yfir skatta og útgjöld ríkisins í þessu áhugaverða viðtali.


Hlusta
8. mar 2021

Sýnileiki skapar tækifæri, tækifæri skapa færni - Andrés Jónsson

Andrés Jónsson starfar í dag sem almannatengil og ráðningarráðgjafi við fyrirtæki sitt Góð samskipti. Umræðuefni þessa þáttar er hvað fólk getur gert til að styrkja sig á vinnumarkaði, aukið tekjur sínar og náð meiri árangri. Andrés er með hlaðvarpið Ræðum það þar sem rætt um er um atvinnulífið á Íslandi úr annarri átt.
Auk þess ræðum við.

  • Hvernig uppeldi hans mótaði viðhorf hans til lífsins
  • Starferil hans sem hefur einkennst af miklu frumkvöðlastarfi.
  • Þegar hann stofnaði útvarpsstöðina Mono fyrir Jón Ólafsson og fór svo í rekstur með sama Jóni sem endaði í lögfræðidrama.
  • Hvernig Andrés átti allt í einu fullt af peningum í kringum aldamót og hvernig hann eyddi þeim og lærði um leið af þeim mistökum.
  • Ranghugmyndir fólks um hvernig starfsframinn eigi að þróast en hann segir hann vera líkan frumkvöðlastarfsemi. Þar sem hlutirnir geti breyst og maður þurfi að skapa sér tækifæri.
  • Mikilvægi þess að við ögrum okkur kynnumst nýju fólki.
  • Mikilvægi sýnileika og fólk sjái færni okkar.
  • Af hverju flest störf eru ráðin í gegnum persónuleg tengsl.
  • Viðhorf hans til peninga af hverju hann kaupi mikið af ráðgjöf

Bókin sem Andrés ræðir
The start up of you fæst á:
Amazon
Audible

Hlusta
15. mar 2021

Sjö smáskref (Baby steps) Dave Ramsey - Trausti Sigurbjörnsson

Trausti Sigurbjörnsson er 30 ára Skagamaður sem hefur lengi haft áhuga á fjármálum. Hann starfar sem kerfisstjóri hjá DK hugbúnaði. Og er fyrrverandi knattspyrnumaður en hann lagði skóna á hilluna í fyrra.
Í þessu viðtali ræðir Trausti um sín fjármál hvenær hann fór að fá áhuga á þeim og hann mun fræða okkur um Dave Ramsey. En Dave er einn þekktasti fjármálafræðingur Ameríku og eru þættir hans og boðskapur svolítil fyrirmynd af Leitinni að peningunum.
Saga Dave hefst þegar hann verður gjaldþrota og allar götur síðan hefur hann predikað nauðsyn þess að greiða niður skuldir, spara og hugsa vel um peninga.
Baby Steps Dave Ramsey eru rædd og skoðuð sérstaklega:

Þrep 1 - Sparaðu 100.000kr í banka sem byrjunar neyðarsjóð.
Þrep 2 – Borgaðu upp allar skuldir nema húsið.
Þrep 3 – Söfnum upp vara- eða neyðarsjóð sem ætti að nema 3-6 mánuðum af útgjöldum.
Þrep 4 – Byrjaðu að fjárfesta og auktu svo fjárfestingar til framtíðar.
Þrep 5 - Sparaðu fyrir framtíð barnanna þinna.
Þrep 6 - Borgaðu upp hússnæðislánið þitt snemma
Þrep 7 - Safnaðu auðæfum og gefðu

Auk þess sem við ræðum fleiri áhugaverða hluti frá Dave Ramsey. 

Hlusta
25. mar 2021

Brottrekstur úr Borgarleikhúsinu var vakning - Ólafur Darri Ólafsson

Ólafur Darri Ólafsson er einn ástsælasti leikari íslensku þjóðarinnar.
Í dag er hann leikandi í skjónvarpsseríum hér á landi og í stórum Hollywood kvikmyndum. Líf hans hefur samt ekki verið eintómur dans á rósum og hann gekk í gegnum töluverða fjárhagsörðugleika sem ungur maður.

Við ræðum hér:

  • Listina hvernig maður lifir af henni.
  • Mikilvægi góðs endurskoðanda
  • Hvernig fjármál hans voru komin á vondan stað í menntaskóla.
  • Hvernig þáttur með Opruh Winfrey opnaði augu hans en þar var höfundur bókarinnar The Automatic Millionaire til viðtals.
  • The Latte Factor og af hverju margt smátt gerir eitt risastórt.
  • Hvernig Ólafur borgaði niður skuldahallann.
  • Hann skuldar bara húsnæðislán í dag.
  • Gleðina við það að borga aukalega inn á húsnæðislánið í hverjum mánuði.
  • Bókina, Þú átt nóg af peningum.
  • Hvernig andleg líðan varð miklu betri samhliða heilbrigðari fjármálum.
  • Mikilvægi þess að vera með gott fólk í fjármálum og umboðsmennsku hér á landi og í Ameríku.
  • Hvernig hann fjárfestir.
  • Hatur hans á uppgreiðslugjöldum.
  • Laun fyrir leiklist þegar hann var að hefja sinn feril.
  • Af hverju hann vill borga skatta á Íslandi.
  • Hvernig kemur maður sér á framfæri sem leikari?
  • Hvernig röddin hefur verið guðsgjöf hans.
  • The Tourist sem er næsta verkefni hans.

Þetta og margt fleira í þessu viðtali.
Umsjón: Gunnar Dofri Ólafsson.
Framleitt af umboðsmanni skuldara með stuðningi frá félagsmálaráðuneytinu.

Hlusta
30. mar 2021

Allt það sem þú vildir vita um hagfræði - Kristrún Tinna Gunnarsdóttir

Kristrún Tinna Gunnarsdóttir er hagfræðingur og starfar í dag sem forstöðumaður stefnumótunar og sjálfbærni hjá Íslandsbanka.

Kristrún segir frá starfsferli sínum í íslenskum bankageira auk þess sem við ræðum um allt það sem þú vildir vita um hagkerfið en þorðir ekki að spyrja um.
Auk þess ræðum við:

  • Hvernig fjárhags uppeldi hún fékk.
  • Af hverju hagfræðin varð fyrir valinu þegar hún valdi sér háskólanám
  • Hvort hagfræðin sé svipuð vísindi eins og veðurfræði?
  • Hvaða þýðingu hefur hagfræðin fyrir okkur?
  • Af hverju sá engin fyrir Hrunið?
  • Af hverju er Financial Times gefið út með svona stórar blaðsíður?
  • Hver áhrif skatta geta verið á hegðun og langvarandi áhrif.
  • Hvað eru stýrivextir?
  • Af hverju eru þeir ekki bara 0%
  • Hvað er verðbólga og hvernig er henni stýrt?
  • Eftirspurn og framboð í hagkerfinu?
  • Af hverju hófleg verðbólga er talin af hinu góða.

Öll þessi hagfræðihugtök sem við heyrum reglulega rædd og skýrð.
Umsjón: Gunnar Dofri Ólafsson
Framleitt af umboðsmanni skuldara með stuðningi frá félagsmálaráðuneytinu.

Hlusta
5. apr 2021

Hagsýni við matarinnkaup og fjármál við skilnað - Berglind Guðmundsdóttir

Berglind Guðmundsdóttir er menntaður hjúkrunarfræðingur og stofnandi matarvefjarins Gulur rauður grænn og salt. Hún er einnig þáttastjórnandi Dagmála á mbl.is. Hún heldur úti hlaðvarpinu Matur fyrir sálina sem er þáttur sem miðar að valdeflingu kvenna.

Hún mun sá einnig um sjónvarpsþátt sem fjallar um lífstíl á Sikiley sem verður sýndur á sjónvarpi Símans í apríl. Hún starfar sem sem sjálfstæður atvinnurekandi sem hún segir vera erfitt en um leið mjög þroskandi.

Matseðilinn Berglindar fyrir hlustendur Leitarinnar að peningunum er hér.
Í þessu viðtali ræðum við:

  • Hvernig það er að vera sjálfstætt starfandi
  • Vefinn Gulur rauður grænn og salt
  • Mikilvægi þess að hafa ástríðu fyrir því sem maður er að gera
  • Mikilvægi þess að skipuleggja matarinnkaupinn
  • Vikulega matarmatseðla
  • Áskorunina við að vera með unglinga á heimilinu
  • Mikilvægi þess að báðir aðilar komi að fjármálum í samböndum
  • Berglind deilir erfiðri reynslu sinni þegar kom að skilnaði einstæð sjálfstætt starfandi með fjögur börn
  • Hvernig hún þurfti að takast á við fjármálin
  • Hvernig Berglind tekst á við fjármálin

Þetta og margt fleira í þessu skemmtilega viðtali.
Umsjón Gunnar Dofri Ólafsson
Framleitt af umboðsmanni skuldara með stuðning frá félagsmálaráðuneytinu.

Hlusta
12. apr 2021

Peningauppeldi mitt kemur allt frá rappi - Herra Hnetusmjör

Árni Páll Árnason er rappari, viðskiptamaður og samfélagsrýnir er oftast þekktur undir listamannsnafni sínu hr. Hnetusmjör.
Í þessu viðtali ræðum við um fjármál og líf rappara á Íslandi.
Auk þess ræðum við um:

  • Af hverju hann vill að stjórnvöld bregðist við Covid.
  • Hvernig hann fór í að leita að peningum eftir að tekjur hans drógust saman um 50% á síðasta ári.
  • Hvernig fyrirmyndir hans í rappinu eru rapparar sem einnig eru í viðskiptum.
  • Hversu miklu máli það skiptir að vera með fyrirtæki um rekstur sinn og hafa allt sitt á hreinu.
  • Af hverju rapparar tali oft um sig í hundaárum.
  • Hvernig hann búi sig undir að ferilinn muni mögulega einn daginn enda.
  • Hvernig peningauppeldi hans hafi allt komið frá rappi.
  • Af hverju hann gefi frekar út nokkur lög heldur en heila plötu.
  • Hvernig hann fór í meðferð 20 ára gamall.
  • Hvernig hann sinnir sínum fjármálum í dag.  


Umsjón: Gunnar Dofri Ólafsson.
Framleitt af umboðsmanni skuldara með stuðningi frá félagsmálaráðuneytinu.

Hlusta
19. apr 2021

Úr klóm smálána og fíkniefna - Daníel og Gísli Magnússynir

Daníel og Gísli Magnússynir eru bræður á þrítugsaldri.
Gísli lenti ungur í klóm smálána og fjárhagserfiðleika í tengslum við fíkniefnaneyslu. Eftir að hafa tekist á við fíkniefnavandann þurfti hann að takast á við annan erfiðan andstæðing sem voru skuldir sem hann hafði safnað upp í neyslu. Skuldir sem voru að stórum hluta smálán. Bróðir hans Daníel rann blóðið til skyldunar og fór hann í að semja við kröfuhafa eftir að hafa fengið aðstoð hjá umboðsmanni skuldara. Í þessu viðtali ræðum við hvernig maður tekst á við slíkar skuldir og hvernig maður semur um slíkar skuldir. 

Hlusta
27. apr 2021

Sambúð, gifting, erfðamál og fjármál - Elva Ósk Wiium

Elva Ósk Vium lögfræðingur ræðir í þessum þætti um fjármál og hvernig við eigum helst að nálgast þau þegar kemur að maka okkar.

Frá því að Elva hóf að starfa sem lögmaður hefur hún unnið mikið í sambúðar- og hjúskaparmálum sem og erfðarétt.
Lögmenn eru oft kallaðir að málum þegar málin eru komin í óefni. Hún hefur þú séð því séð mistökin sem fólk gerir og fer yfir það í þessu viðtali hvernig best sé að komast í veg fyrir að fólk geri þau.
Hér ræðum við:

  • Hver er munurinn á réttarstöðu giftra og þeirra í sambúð
  • Hvað það þýðir að vera giftur
  • Hvernig dómstólar hafa dæmt í deilumálum þegar kemur að skilnuðum og erfðamálum
  • Hvernig er skiptast skuldir og eignir við skilnað?
  • Þetta og margt fleira ræðum við

Umsjón: Gunnar Dofri Ólafsson
Framleitt af Umboðsmanni skuldara með stuðningi frá félagsmálaráðuneytinu

Hlusta
4. maí 2021

íbúðaskipti og hagkvæmni í ferðalögum - Snæfríður Ingadóttir

Snæfríður Ingadóttir er blaðamaður, rithöfundur, fyrirlesari og síðast en ekki síst ferðafrömuður.

Snæfríður er fædd og uppaldin á Akureyri og býr þar í dag með manni og þremur börnum. Hún hefur undanfarið skrifað ferðahandbækur um íbúðaskipti, flutninga til Spánar auk bókar um eyjurnar Tenerife og Gran Canary. Snæfríður byrjaði á íbúðaskiptum fyrir nokkrum árum og þá með það í huga að spara peninga. Í dag stundi hún þau vegna þess að þau bjóði uppá lengra frí, meiri upplifanir og samband og samskipti við heimamenn sem getur verið mikils virði.
Hún segir íbúðaskipti ekki frekar en annað vera 100% örugg en þar sem þau byggja á trausti þá fari þau langoftast vel fram.
Snæfríður ræðir einnig í hvað hún setur peningana sína. Ferðalög og fasteignir.
Hvernig leigueignir sem hún á hafa fjármagnað löng ferðalög og hvernig þau veita henni innblástur og bæta lífið.
Hún talar um hvernig hún tekur svokallað lífeyris tímabil fyrirfram með ferðalögum sem eru þá löng ferðalög.
Auk þess ræðir hún um fjárhagsmál fjölskyldunar eftir Hrun.

Snæfríður hefur ritað eftirfarandi bækur sem hægt er að kaupa beint af vef hennar.

Spánn nýtt líf í nýju landi
Komdu með til Kanaríeyja
Ævintýraeyjan Tenerife
Íbúðaskipti; Minni kostnaður, meiri upplifun


Umsjón: Gunnar Dofri Ólafsson
Framleitt af Umboðsmanni skuldara með stuðningi frá félagsmálaráðuneytinu.

Hlusta
11. maí 2021

Fávitinn í fjármálum - Haukur HiImarson

Haukur Hilmarsson er ráðgjafi í fjármálahegðun og kennari í fjármálameðferð við félagsráðgjafadeild HÍ. Hann rekur einnig vefinn skuldaus.

Haukur segist sjálfur vera fáviti í fjármálum þar sem hann lét fjármál stjórnast af tilfinningum. Þar sem hann kom sér í skuldir sem hann borgaði upp aftur og aftur. Eftir að hafa skoðað þetta sá hann að hegðun hans var á sjálfstýringu.
Haukur lifði tvöföldu lífi þegar kom að fjármálum eftir að hafa kynnst konu sinni þar sem hann faldi vanskil og skuldir sínar fyrir henni. Í janúar 2009 komst konan hans að skuldir hans voru ekki 50 þúsund heldur milljónir. Þarna fór hann í að finna allar skuldir sínar og fá heildaryfirsýn yfir skuldir sínar. Hann langaði þegar þarna var komið að flýja í stað þess að horfast í augu við sannleikann og skömmina sem fylgir.
Síðan hefur mikið vatn runnið til sjávar og hefur Haukur aðstoðað fjöldann allan af einstaklingum við að ná árangri í fjármálum. 

Hlusta
17. maí 2021

Líkindi og happdrætti - Pawel Bartozek

Pawel Bartozek fæddist í Póllandi og flutti til Íslands 8 ára gamall.
Hann er stærðfræðingur sem hefur látið samfélagsmál til sín taka. En hann hefur ritað pistla á vefinn í fjölmiðla reglulega undanfarin 20 ár. Pawel er jafnframt borgarfulltrúi.
Í þessu viðtali ræðir Pawel um æsku sína í Póllandi og kommúnismann sem þar var yfir öllu. Vandamál þar var ekki skortur á peningunum heldur skortur á vörum.
Einnig fáum við Pawel til að ræða líkindi og happdrætti. Borgar sig t.d að taka þátt í Lottó eða öðrum happdrættum?

  • Vissir þú að líkur á að vinna í Lottó eru 1 á móti 680.000.
  • Ef þú spilar Lottó t.d vikulega í 50 ár þá eru líkurnar orðnar um helmingur.
  • Þeir sem spila mikið auka að sjálfsögðu líkur sínar.
  • Ef þú spilar fyrir 25 þúsund kr. á viku í 50 ár þá fara í þetta 60 milljónir kr.
  • Hvenær á maður að taka þátt?
  • Pawel segir betra að taka þátt þegar pottarnir eru tvöfaldir eða þrefaldir.
  • Fólk áttar sig á þessu því fleiri taki þátt þegar pottarnir eru stærri.
  • Af hverju er fólk frekar til í að taka þátt í happdrætti en að kaupa hlutabréf.
  • Líkindi og hvernig við metum þau.
  • Svindl í happdrættum.
  • Hvernig Pawel nálgast sjálfur fjármál.

Þetta og margt fleira um líkindi og happdrætti í þessu áhugaverða viðtali.

Hlusta